Padamyar FM

True friends say good things behind your back and bad things to your face. ကျွန်တော်တို့လူသားတွေ မွေးဖွားရှင်သန်ချိန်ကနေ အသက်သေဆုံးတဲ့အချိန်အထိ မိတ်သင်္ဂဟအပေါင်းနဲ့ တွေ့ဆုံပေါင်းသင်း ရမှာအမှန်ပါပဲ။ ငယ်ရွယ်တဲ့အချိန်ပညာသင်အရွယ်ကတည်းက သူငယ်ချင်းတွေနဲ့ ပုခုံးဖက်လို့ ပျော်ရွှင်စွာနဲ့ ဘဝကို ဖြတ်သန်းခဲ့ကြသလို ဒုတိယအရွယ် ဥစ္စာရှာတဲ့အခါမှာလည်း အသိုင်းအဝိုင်းအတွင်းက မိတ်ဆွေအပေါင်းအသင်းတွေနဲ့ ရင်းနီး ပေါင်းသင်းရင်းနဲ့ လုပ်ဖော်ကိုင်ဖက်တွေနဲ့ ဘဝကိုဖြတ်သန်းကြရမှာပါပဲ။ ဒီလိုနဲ့ မိတ်ဆွေသူငယ်ချင်းဆိုတာက လူ့ဘဝရဲ့ ရာခိုင်နှုန်းတော်တော်များများကို တွေ့မြင်နေရ ပေါင်းသင်းဆက်ဆံနေရမယ့်သူတွေပါ။ အဲဒီ မိတ်ဆွေအပေါင်းအသင်းဆိုတာ ကိုယ့်အတွက် ကောင်းတဲ့သူလည်း ရှိသလို မကောင်းတဲ့သူလည်းရှိမယ်။ ကိုယ့်ကို ကောင်းတာလုပ်ဖို့ တိုက်တွန်းမယ့်သူရှိသလို မကောင်းမှုမှာ ပျော်မွေ့တတ်ဖို့အားပေးအားမြှောက်ပြုတတ်တဲ့သူတွေလည်းရှိမှာပါ။ ဒီလိုနဲ့ မိတ်ဆွေစစ်မိတ်ဆွေကောင်းဆိုတဲ့ လူတန်းစားတစ်ခုဟာ ကျွန်တော်တို့အတွက် မရှိမဖြစ်လိုအပ်တဲ့အရာ တစ်ခုဖြစ်လာ ပါတယ်။ အပေါင်းအသင်းမကောင်းရင်မကောင်းသလောက်ကိုယ့်ဘဝပျက်စီးသွားနိုင်သလို အပေါင်းအသင်းရဲ့စကားတစ်ခွန်း ကြောင့် ကောင်းရာမွန်